World Boxing халықаралық федерациясы бокстан “Жылдың үздік боксшысы” атағына үміткерлердің тізімін жариялады. Аталған тізімге қазақстандық спортшылар Махмұд Сабырхан мен Наталья Богданова енді.

Instagram әлеуметтік желісінде өткен жанкүйерлер арасындағы дауыс беру қорытындысы бойынша қос боксшы да “Жылдың үздік боксшысы” атағын жеңіп алды. Бұл — отандық бокстың халықаралық деңгейдегі жоғары жетістігін тағы бір мәрте дәлелдейтін маңызды нәтиже.

Сонымен қатар Махмұд Сабырханның филиппиндік Аарон Джудқа қарсы өткізген жекпе-жегі World Boxing нұсқасы бойынша жылдың ең үздік айқасы деп танылды.