Мемлекет басшысы Қасым-Жомарт Тоқаев Бауыржан Момышұлына «Халық қаһарманы» атағын беру туралы шешім қабылдағанын мәлімдеді.
Президенттің айтуынша, кеше Бауыржан Момышұлының туғанына 115 жыл толған. Даңқты қолбасшының ерлік жолы елімізде ғана емес, шетелдерде де кеңінен танымал. Халық оны қаһарман тұлға ретінде құрмет тұтады. Алайда осы уақытқа дейін батырға ресми түрде «Халық қаһарманы» атағы берілмеген.
Мемлекет басшысы бұл мәселені облыс жұртшылығы, зиялы қауым өкілдері мен жастар көтеріп жүргенін атап өтіп, тарихи әділдікті қалпына келтіру қажет екенін айтты.
«Сондықтан мен Мемлекет басшысы ретінде Бауыржан Момышұлына “Халық қаһарманы” атағын беру туралы шешім қабылдадым. Тиісті Жарлыққа бүгін қол қойдым. Бұл құжат міндетті түрде жарияланады», – деді Қасым-Жомарт Тоқаев.
Президенттің сөзінше, Бауыржан Момышұлының ерлігі – нақты құжаттармен дәлелденген және Ұлы Отан соғысына қатысқан батырлар мойындаған ерлік.
DALAMEDIA admin
7
0