Астанада блогер Ерболат Жанабыловқа қатысты сот процесі басталды. Оған Instagram арқылы автокөлік пен ақшалай сыйлықтарды ойнатты деген айып тағылуда. Яғни, әр қатысушыға “оқыту курсын” 30 мың теңгеге сатып, ұтыс ойынын заңсыз өткізген.
Жанабылов сотқа жұбайы Эльмира Толегеновамен және адвокаттары Олег пен Анна Черновтармен бірге келді. Қорғау тарабының айтуынша, бұл заңсыз лотерея емес, қызметті сатуды ынталандыру шарасы ғана.
Бұл дау 18–21 тамызда жарияланған 11 автокөліктің ұтыс ойынынан кейін өрбіді. Тікелей эфирді автокөлік ойнатуын күткен қолданушылар ақылы курсқа сілтеме алып, мемлекеттік органдарға шағымданған. Туризм және спорт министрлігі ресми операторлар ғана лотерея өткізе алатынын еске салды.
Ерболат Жанабыловқа ӘҚБтК-нің 445-1-бабы бойынша хаттама жасалып, іс сотқа жолданды. Ал Эльмира Толегеноваға қатысты тексеріс жалғасуда. Министрлік азаматтарды «күдікті гивтарға қатыспауға» шақырды.
Санаттар
DALAMEDIA admin
