Енді әскерге шақырту тек пошта немесе қолхатпен емес, тікелей SMS пен eGov порталы арқылы да келеді. Қорғаныс министрлігі мәліметінше, биылғы күзгі науқанда 18 бен 27 жас аралығындағы 22 мыңға жуық жас азамат әскер қатарына алынады. Олар Қарулы Күштердің өзіне ғана емес, Ұлттық ұланға, Шекара қызметіне, ТЖ министрлігіне және Мемлекеттік күзет қызметіне бөлінбек.
Қарулы күштердің Бас штабы ұйымдастыру-мобилизациялық жұмыстар департаменті бастығының орынбасары Фархат Айдарбаевтың айтуынша, цифрлық жүйе енгізілгелі бері шақырту үш күн бұрын міндетті түрде жеткізіледі.
«Телефон не eGov-та аккаунты жоқтарға қағаз түрінде тапсырылады. Ал бас тартқандар бәрібір хабарланған деп есептеледі», - деді ол.
Бұған дейін күзгі әскерге шақыру қазан айында басталатын. Биыл жаңа ереже бойынша ол 1 қыркүйектен 31 желтоқсанға дейін жалғасады.
DALAMEDIA admin
9
0