26-нан 27 тамызға қараған түні алматылық «Қайрат» клубы өзінің тарихындағы ең үлкен сенсацияны жасады - тұңғыш рет Чемпиондар лигасының негізгі кезеңіне жолдама алды. Шотландиялық «Селтикке» қарсы өткен шешуші ойында негізгі және қосымша уақыт 0:0 есебімен аяқталды. Барлық мәселе пенальти сериясында шешіліп, 21 жастағы қақпашы Темірлан Анарбековтың ерлігі арқасында «Қайрат» тарихи жеңіске жетті. 

Бұл жеңіс тек қана қазақстандық футболдың беделін көтеріп қойған жоқ, сонымен қатар клубқа шамамен 12 миллиард теңге көлемінде қаржылай сыйақы әкелді. Енді Алматыға Чемпиондар лигасының алдыңғы себетіндегі алып клубтар - «Реал», «Манчестер Сити», «Бавария», «Барселона» секілді командалар келеді.

Матчтан кейін қала нағыз мерекеге айналды: жанкүйерлер жалауларын алып көшеге шықты, көліктердің дабылдары футболдық ұрандарға қосылып жатты, ал әлеуметтік желілер Алматыдағы қуаныш сәттеріне толды.

«Қайрат» көпшіліктің сенбегенін жүзеге асырды. Бұл - Қазақстан футболының жаңа дәуірін ашқан түн, ел есінде ұзақ сақталатын тарихи жеңіс.