25 тамыз күні кешке Алматы халықаралық әуежайында төтенше оқиға орын алды. «T-1» терминалының кассасы жанында ер адам өзін-өзі өртеуге әрекет жасады.
Полиция департаменті баспасөз қызметінің мәліметінше, ер адам мұндай әрекетке жұбайымен болған жеке жанжал салдарынан барған.
«Оқиғаның толық мән-жайы сотқа дейінгі тергеу барысында белгілі болады», - деп хабарлады ведомство.
Оқиға орнында әуежай қауіпсіздік қызметі мен полиция дер кезінде әрекет етіп, отты сөндіріп, жедел жәрдем шақырған. Ер адам Алматы қалалық №4 клиникалық ауруханасына жеткізіліп, жансақтау бөліміне жатқызылды.
Қалалық денсаулық сақтау басқармасының мәліметінше,
“науқастың жағдайы өте ауыр, ол Денсаулық сақтау министрлігінің клиникалық хаттамасына сәйкес толық көлемде ем қабылдап жатыр”.
Әуежайдың баспасөз қызметі бұл оқиға әуежай қызметімен байланысты емес екенін және оның жұмысына әсер етпегенін атап өтті.
DALAMEDIA admin
Бүгін, 19:01
Әлем