Қазақстандық дзюдошы Жалғас Қайролла Астанада өтіп жатқан Grand Slam турнирінде ел қоржынына алтын медаль салды, -деп хабарлайды «Dalamedia» ақпараттық порталы.

81 келіге дейінгі салмақ дәрежесінде сынға түскен отандасымыз финалға дейін сүрінбей жетті. Шешуші белдесуде ол молдовалық Петру Пеливанмен татамиге шықты.

Финалдық кездесуде Жалғас Қайролла айқын басымдық танытып, қарсыласын мерзімінен бұрын жеңді. Осылайша қазақстандық спортшы турнир жеңімпазы атанды.

Бұл — Қазақстан құрамасының Астанадағы жарыста еншілеген төртінші жүлдесі. Бұған дейін Талғат Орынбасар 60 келіге дейінгі салмақта күміс медаль алса, Шерзод Давлатов пен Аңсарбек Ғайнуллин қола жүлдеге қол жеткізген болатын.