Спортшы отырып қуалау жарысында қарсыластарынан оқ бойы озып, мәреге бірінші болып жетті. Осылайша ол Паралимпиададағы алғашқы алтын жүлдесін жеңіп алды.

Айта кетейік, бұл Хамитовтың Италияда өтіп жатқан ойындардағы екінші медалі. 10 наурызда ол шаңғы спринті бойынша өткен жарыста қола жүлдеге ие болған еді.

Осы нәтижемен Ербол Хамитов халықаралық додада Қазақстан құрамасының қоржынына тағы бір маңызды медаль салып, ел спортының абыройын асқақтатты.