Миланда өткен XXV қысқы Олимпиада чемпионы Михаил Шайдоров елге оралды, деп хабарлайды «Dalamedia» Stan.kz сілтеме жасап. Олимпиада қорытындысы бойынша ол еркін бағдарламада үздік нәтиже көрсетіп, жалпы есепте алтын медаль жеңіп алды.

Салтанатты іс-шарада Михаил Шайдоров пен жеке бапкері Алексей Урманов үш бөлмелі пәтерге ие болды. Сонымен қатар, Қазақстан атынан қатысқан мәнерлеп сырғанаушы Софья Самоделкина бір бөлмелі пәтер сертификатын алды.

Ұлттық құраманың бас жаттықтырушысы Әсем Қасенова да бір бөлмелі пәтер алды. Пәтерлерді Қазақстан мәнерлеп сырғанау одағы табыстады.

Бұған дейін 1994 жылғы Олимпиадада Владимир Смирнов алтын медаль жеңген болатын.