Атырау облысы әкімінің орынбасары Марат Мұрзиев Ыстамбұл қаласында өткен шотокан каратэден әлем чемпионатында алтын медаль жеңіп алды ,-деп хабарлайды «Dalamedia» ақпараттық порталы.

Ол WSF ұйымының 16-шы әлем біріншілігінде 45–54 жас аралығындағы спортшылар санатында (Shobu Ippon Kumite Open) ел намысын қорғады.

Жарыс барысында Мұрзиев барлық қарсыласын айқын басымдықпен жеңіп шыққан. Алғашқы кездесуінде ол Англия өкілі Майк Линчтен 2:0 есебімен басым түссе, келесі айналымда да дәл осындай нәтижемен жеңіске жеткен.

Жартылай финалда атыраулық спортшы Кот-д’Ивуардан келген Франк Лоусонмен кездесіп, тағы да 2:0 есебімен жеңісті жұлып алды.

Финалдық белдесуде де Марат Мұрзиев қарсыласын ұтып, әлем чемпионатының алтын жүлдесін иеленді.