Дубайда өтіп жатқан бокстан IBA әлем чемпионатында Қазақстан құрамасының үш боксшысы - Абылайхан Жүсіпов, Оразбек Асылқұлов және Ертуған Зейнуллиновтар алғашқы жекпе-жектерінде жеңіске жетті.
Абылайхан Жүсіпов армениялық Арарат Харутюнянды екі рет нокдаунға жіберіп, айқын басымдықпен ұтты. Жүсіпов - әлем чемпионаттарының үш мәрте қола жүлдегері.
63,5 келі салмақта Ертуған Зейнуллинов моңғолиялық Даваадалай Алтангерелді үш рет нокдаунға түсіріп, сенімді жеңіске жетті.
57 келіде бақ сынаған Оразбек Асылқұлов Кабо-Верден келген Санчес да Силваны үш раунд бойы ойсырата ұтып, келесі кезеңге өтті.
4–13 желтоқсан аралығында өтетін чемпионатта Қазақстан 13 салмақтың барлығында қатысуда. Жеңімпаздарға 300 мың доллар көлемінде сыйақы қарастырылған.