Алматылық «Қайрат» футзалдан 2025/26 жылғы маусымдағы Чемпиондар лигасының негізгі кезеңін жеңіспен бастады. Хорватияда өткен ойында қазақстандық команда жергілікті «Ново Вриеме» клубын 3:2 есебімен ұтты.

Матчтың басынан-ақ «Қайрат» белсенді ойнап, қарсыластың қақпасына қысым көрсетті. 8-минутта Біржан Оразов Дәурен Тұрсағұловтың пасын пайдаланып, алғашқы голды соқты. Бір минуттан кейін капитан тағы бір дәл соққымен дубль авторы атанды. Ал 16-минутта бразилиялық легионер Эдсон Сантос есепті 3:0-ге жеткізді.

Екінші таймда хорватиялықтар қарымта шабуылға шығып, 24-минутта Хуго бір доп соқты. Ал ойынның соңғы минутында Леннон есепті 2:3 қылып қысқартты. Бірақ алматылықтар жеңісті қолдан бермей, матчты өз пайдасына аяқтады.

Осылайша, «Қайрат» Чемпиондар лигасының топтық кезеңінде алғашқы үш ұпайын алды. Келесі ойын 30 қазан күні сағат 21:00-де (Астана уақытымен) Португалияның «Спортинг» клубына қарсы өтеді.