Алматы ғажайыпқа сенгенімен, Еуропаның ең атақты клубы – мадридтік «Реал» 5:0 есебімен «Қайратты» ойсырата жеңді.

25-минутта Килиан Мбаппе пенальтиден есеп ашты. Екінші таймда француз жұлдызы хет-трик жасап, 52 және 74-минуттарда тағы екі гол соқты. Осы аралықта «Қайратқа» да пенальти берілген еді, бірақ VAR шешімді өзгертіп, үмітті үзді.

Бас бапкер Рафаэль Уразбахтин ойынға Байбек, Эдмилсон, Станоев, Рикардиньо және жарақаттан енді оралған Зарианы қосты. Бірақ мадридтік алыпты тоқтату мүмкін болмады.

83-минутта Камавинга төртінші голды салды, ал қосымша уақытта Браим Диас нүкте қойды – есеп 0:5.

Бұл – «Реалдың» Қазақстандағы алғашқы матчы. Ал «Қайрат» үшін – Лига чемпиондарындағы алғашқы елдегі ойыны. Жанкүйерлер үлкен мереке мен жеңісті күткен еді, нәтижесінде 15 мәрте чемпиондардан ойын емес шеберлік сағатын көргендей болды.