Алматының «Қайрат» клубы тарихта алғаш рет Чемпиондар лигасының негізгі кезеңіне жолдама алған еді. Алайда алғашқы ойын сәтсіз басталды. Лиссабонда өткен кездесуде қазақстандықтар жергілікті «Спортингке» 1:4 есебімен есе жіберді.

Ойын Португалия астанасындағы «Жозе Алваладе» стадионында өтті. Бірінші таймда алаң иелері басымдық танытқанымен, алматылық қақпашы Шерхан Қалмұрза капитан Мортен Юльманнның пенальтисін қайтарып, сенсация жасады. Дегенмен, үзіліске санаулы минуттар қалғанда Франсишку Тринкан қашықтан соққы жасап, есепті ашты.

Екінші таймда «Қайрат» есепті теңестіруге бірнеше мүмкіндік алды. Еркін Тапалов, Дастан Сатпаев пен Жоржиньо қауіпті сәттерді жіберіп алды. Ал 64-минутта Тринкан дубль авторы атанып, «Спортингтің» басымдығын күшейтті. Артынша Алиссон Сантос пен Джовани Кенда тағы екі гол соғып, есеп 4:0-ге жетті. Тек ойынның соңына таман Эдмилсон бір голмен жауап беріп, қорытынды нәтиже – 4:1 болып тіркелді.

Келесі кездесуін алматылық клуб 30 қыркүйек күні Алматыда Мадридтің «Реалына» қарсы өткізеді.