Қазақстан теннисі үшін тарихи сәт. 17 жастағы Түркістан тумасы Занғар Нұрланұлы юниорлық US Open–2025 турнирінде сенсация жасап, жартылай финалға жолдама алды.

Ширек финалда Нұрланұлы Рафаэль Надаль академиясының тәрбиеленушісі, 18 жастағы ресейлік Тимофей Дерепасконы ойсырата жеңді. Екі сетке созылған кездесудің нәтижесі – 6:2, 6:4. Матч 1 сағат 27 минутқа жалғасты.

Алдағы шешуші сында қазақстандық жас дарын әлемнің бірінші ракеткасы, болгариялық Иван Ивановпен финал жолдамасы үшін таласады.

Қазақстан спорты үшін бұл жеңіс – жаңа дәуірдің бастауы. Занғардың есімі ел тарихында алтын әріппен жазылар күн жақын сияқты.