Ауғанстан жерінде 16 наурыз күні 250-ден астам адам қаза тапты, — деп хабарлайды «Dalamedia» ақпараттық порталы «Tolo News»-ке сілтеме жасап.

Кабул бұл шабуылға Пәкістанды кінәлап отыр. «Талибан» өкілі Забихулла Муджахид аталған әрекетті «қылмыс» деп атап, жауапсыз қалмайтынын мәлімдеді.

Шетелдік БАҚ-тың дерегінше, соққы наркологиялық орталыққа тиген. Кейін Ауғанстан Денсаулық сақтау министрлігі қаза тапқандар саны 250-ден асқанын, 400-ден астам адам жараланғанын хабарлады.

Пәкістан тарапы айыптауларды жоққа шығарып, соққылар тек әскери нысандарға бағытталғанын мәлімдеді.