АҚШ президенті Дональд Трамп Иранға келісімге тез арада келу керегін ескертті, әйтпесе Тегеран ауыр салдарға тап болуы ықтимал, – деп хабарлайды «Dalamedia» ақпараттық порталы.

26 ақпанда Женевада өтетін келіссөздер қарсаңында Трамп өзінің «Truth Social» әлеуметтік желісінде ирандықтарға ескерту жасап, дипломатия сәтсіз болса, «өте қиын күн күтіп тұр» деді.

«Бірақ егер біз олай істемесек, бұл ел мен оның халқы үшін өте жаман күн болады», – деп жазды ол.

2025 жылдың басында АҚШ Иранның ядролық нысандарына соққы берген. Қазір Трамп дипломатиялық жол нәтиже бермесе, одан да қатал шара қолдануы мүмкін екенін айтты.

Шетелдік БАҚ-тың хабарлауынша, Иран кез келген әскери шабуылға жауап беретінін мәлімдеді. Алайда олар артық күш жұмсауға ниетті емес. Сонымен қатар БҰҰ арқылы соғысқа ұмтылмайтынын айтты.

Трамп бұған дейін Иранға ультиматум қойғанын, елді келіссөздерге тезірек оралуға шақырғанын еске салды. «Иран әділ және өзара тиімді келісімге – ядролық қарусыз келісімге қол жеткізсін деп үміттенемін. Уақыт аз қалды», – деді ол әлеуметтік желісінде.

Ақ үй басшысы өткен жылғы ескерту АҚШ-тың маусым айындағы әскери шабуылына әкеп соққанын да атап өтті.