АҚШ президенті Дональд Трамп Truth Social әлеуметтік желісінде тосын жазба жариялап, өзін Венесуэланың уақытша президенті ретінде көрсеткен скриншотты көпшілік назарына ұсынды.
Жарияланған сурет «Википедиядағы» өмірбаян бетіне ұқсас форматта жасалған. Онда Дональд Трамптың 2026 жылдың қаңтар айынан бастап Венесуэла президентінің міндетін атқарып отырғаны көрсетілген. Сонымен қатар дәл осы мерзімде аталған қызметке тағайындалғаны туралы ақпарат берілген. Скриншотта Трамптың АҚШ президенті ретіндегі қазіргі лауазымы да қатар жазылған.
Айта кетейік, бұған дейін, 2025 жылдың желтоқсан айында АҚШ Венесуэлаға қатысты арнайы операция жүргізген болатын. Сол кезде ел астанасы Каракаста Венесуэла президенті Николас Мадуро мен оның жұбайы тұтқындалғаны хабарланған. Кейін Мадуроның Бруклиндегі тергеу изоляторына жеткізілгені белгілі болды.
Аталған жарияланым әлеуметтік желі қолданушылары арасында қызу талқылауға түсті.
DALAMEDIA admin
7
0