Қазақстан премьер-министрі Олжас Бектенов жеке мектептердегі оқушылардың қауіпсіздігін бақылауды және қаржыландырудағы заңбұзушылықтарды жоюды тапсырды. Үкімет отырысында Қаржы министрлігі мен Оқу-ағарту министрлігі жеке мектептерді жан басына шаққандағы қаржыландыру аясында тексеріп, ірі заңбұзушылықтарды анықтауы тиіс екені айтылды.
Тексеру барысында кейбір мектептердің тойхана немесе сауда орталығы ретінде тіркелгені, жобалық қуатынан бірнеше есе артық оқушы қабылдағаны, «жалған мұғалімдер» мен қосарланған қаржыландыру фактілері анықталған. Премьер Бектенов мемлекеттік теңгенің босқа жұмсалмауы үшін келесі қаржы жылынан бастап барлық саланы толық тәртіпке келтіруді тапсырды.
Бұған дейін министрлік мемлекеттік дотация алатын жеке мектептерді сыбайлас жемқорлыққа қатысты тексеруді жоспарлап, Шымкентте кәсіпкерді алдаған қызметкерге үкім шығарылғаны белгілі болған.
DALAMEDIA admin
8
0