Қазақстанда аудандық білім бөлімдері өз қызметкерлеріне ай сайын 65 миллион теңгеге дейін жалақы, ал сыйақы ретінде 10 миллионнан астам теңге төлем жасаған. Мұндай заңбұзушылықтарды жасанды интеллект анықтады. Бұл туралы Қаржы министрі Мади Такиев Үкімет отырысында мәлімдеді.
Министрдің айтуынша, қаржы жүйесіне енгізілген жасанды интеллект элементтері 2024 жылы жалпы сомасы 307 миллиард теңгеге, ал 2025 жылдың басынан бері 132 миллиард теңгеге күмәнді төлемдерді анықтаған.
Оның сөзінше, цифрлық бақылау жүйесі тек білім саласымен шектелмей, денсаулық сақтау, мәдениет, туризм және спорт салаларына да енгізіліп жатыр. Жасанды интеллект бюджеттік қаражаттың мақсатсыз жұмсалуын, яғни «аномальды» қаржылық операцияларды анықтауға көмектесуде.
– «Кейбір ұйымдар қаржы институттары бола тұра, бюджеттен бөлінген қаражатты депозитке салып, пайыздық табыс алған. Сондай-ақ бір малға екі рет субсидия алу фактілері тіркелді - жалпы сомасы 808 миллион теңге», - деді министр.
Мади Такиевтің айтуынша, жасанды интеллект арқылы бақылауды күшейту - сыбайлас жемқорлықтың алдын алып, мемлекеттік аудиттің тиімділігін арттырудың басты құралына айналып келеді.
DALAMEDIA admin
Бүгін, 19:01
Әлем