Мәжіліс жасанды интеллектке (ЖИ) қатысты алғашқы заңды бекітті. Енді бұл технологияларды қолдану белгілі бір ережелермен шектеледі.

Заңға сәйкес:

• Ешкімнің келісімінсіз адамның эмоциясын бақылауға болмайды;

• Адамның ойына, мінез-құлқына әсер етіп, әлсіз тұстарын пайдалануға тыйым салынады;

• Адамдарды рейтингке (әлеуметтік скоринг) бөлуге жол берілмейді.

Сонымен бірге, барлық дипфейктер мен жасанды жасалған контент міндетті түрде белгіленуі керек.

Жаңа заң авторлық құқықты да қамтиды: егер ЖИ адамның көмегінсіз бір нәрсе жасаса, ол автор ретінде танылмайды. Бірақ қолданушының берген сұранысы («промпты») интеллектуалдық меншік саналады.

Елде арнайы ұлттық ЖИ платформасы құрылып, ол қазақстандық мамандарға деректер мен құралдарды қолжетімді етеді.