Қаржы министрлігі активтері мен міндеттемелері туралы декларация тапсыратын азаматтардың банк шоттары жөніндегі мәліметтерді нақтылау бойынша бұйрық жобасын қоғамдық талқылауға шығарды.

Жаңа тәртіпке сәйкес, банктер салық органдарына мынадай ақпаратты жолдайды:

• шот нөмірлері мен қалдықтар;

• жыл ішіндегі ақша қозғалысы;

• берілген несиелер, олардың өтелуі мен пайыздары;

• құны 20 мың АЕК-тен (2025 жылы – 73 млн теңге) асатын мүлік сатып алу кезіндегі операциялар.

Министрлік бұл қадам жалпыға бірдей декларациялау аясында кіріс пен мүлікті бақылауды күшейтіп, әділ салық салуға және көлеңкелі экономиканы азайтуға ықпал етеді деп отыр.

Айта кетейік, қыркүйектен бастап мобильді аударымдарға да жаңа ереже күшіне енеді: үш айда 1 млн теңгеден асатын лимит белгіленбек.