Қырғызстанда қыркүйекте өтетін Дүниежүзілік көшпенділер ойындарына дайындықтың алғашқы жоспары бекітілді. Министр Мирбек Мамбеталиевтің төрағалығымен өткен жұмыс тобының отырысында іс-шара өтетін орындар, ұйымдастыру мәселелері және дайындық барысы қаралды.
Ойындардың жоғары деңгейде өтуін қамтамасыз ету мақсатында мемлекеттік органдарға нақты тапсырмалар берілді. Жиынға министрдің орынбасарлары, спорт агенттігінің басшылары, ойындардың Халықаралық хатшылығының өкілдері және ұйымдастыру тобы қатысты.
Еске салсақ, 2026 жылғы ойындар бағдарламасына қазақтың көкпары да енгізілген.