Бүгін Ақордада елімізге ресми сапармен келген Иордания Хашимит Королдігінің Королі ІІ Абдалла бен әл-Хусейнді ресми қарсы алу рәсімі өтті. Қазақстан Президенті Қасым-Жомарт Тоқаев мәртебелі мейманды күтіп алып, екі ел делегация мүшелерін таныстырды.
Салтанатты рәсім барысында Құрмет қарауылы ротасының бастығы рапорт беріп, Қазақстан мен Иорданияның мемлекеттік әнұрандары шырқалды. Кейін мемлекет басшылары келіссөздер өтетін залға бет алды.
Сапар аясында Қасым-Жомарт Тоқаев пен ІІ Абдалла екіжақты ресми келіссөздер өткізіп, Қазақстан-Иордания бизнес-форумына қатысады деп күтілуде.
DALAMEDIA admin
Бүгін, 19:01
Әлем