24 желтоқсан күні елордада Астананы дамыту мәселесіне арналған кеңес өтті. Жиын барысында Мемлекет басшысы Қасым-Жомарт Тоқаев қала әкімі Жеңіс Қасымбектің жұмысына оң көзқарасын білдірді.
Президенттің айтуынша, елорданы дамытуға қатысты өз талаптарын нақты түсініп, соған сай жұмыс істеп жатқан әкім ретінде Жеңіс Қасымбекті атап өтуге болады. Мемлекет басшысы бұған дейін бұл бағыттағы талаптарының толық қабылданбағанын да жасырмады.
«Әкім Жеңіс Қасымбектен менің талаптарымды түсінетін адамды көріп отырмын. Бұған дейін бұл мәселеде не талап етіп отырғанымды дұрыс ұққан адам болмаған», – деді Қасым-Жомарт Тоқаев.
Айта кетейік, кеңес барысында Астананың алдағы даму жоспарлары, қалалық инфрақұрылым мен басқару тиімділігіне қатысты мәселелер талқыланды.
DALAMEDIA admin
Бүгін, 19:01
Әлем