Президент Қасым-Жомарт Тоқаев халыққа арнаған Жолдауында су тапшылығы мен Каспийдің тартылуына ерекше тоқталды.
«Су үнемдейтін технологияны енгізу баяу жүріп жатыр, нақты нәтиже жоқ. Қытайдағы озық тәжірибені қолдануға болады. Ал заңсыз су бұру, “қара нарықта” сату – үлкен мәселе, құқық қорғау органдары мұны қатаң бақылауы тиіс», – деді Мемлекет басшысы.
Тоқаев Арал теңізін мысалға алып, Солтүстік Аралды сақтап қалу жұмыстарының нәтижесін атап өтті. «Айдыны 36 пайызға ұлғайып, су көлемі екі есе артты. Бірақ бұл жұмыс жалғаса беруі қажет», – деді ол.
Каспийдің тартылуына байланысты Президент аймақтық ынтымақтастықтың маңызын көтерді.
«Каспий теңізі – бір елдің ғана емес, бүкіл аймақтың тағдырына қатысы бар мәселе. Үкімет мемлекетаралық бағдарлама әзірлеп, серіктес елдермен келісуі тиіс», – деді Тоқаев.
Мемлекет басшысы суды үнемдеу мәдениетін қалыптастыру болашақ ұрпақ алдындағы жауапкершілік екенін еске салды:
«Бүгін дұрыс шешім қабылдасақ, ертең оның игілігін балаларымыз көреді. Біз өз болашағымызға өзіміз жауаптымыз», – деді Президент.
DALAMEDIA admin
11
0