Президент Қасым-Жомарт Тоқаев халыққа арнаған Жолдауында елімізде бір палаталы Парламент құру бастамасын көтерді.
«Мен Сенатқа он жыл басшылық еттім. Бұл жұмысты зор мәртебе әрі үлкен жауапкершілік деп санадым. Сондықтан бұл мәселені айту оңай емес. Дегенмен, көп ұзамай бір палаталы Парламент құру туралы бастама көтергім келеді», – деді Мемлекет басшысы.
Президенттің айтуынша, реформа асығыс жасалмауы тиіс. Ол бір жыл көлемінде азаматтық қоғамда, сарапшылар ортасында және Парламенттің өз ішінде талқыланып, 2027 жылы жалпыұлттық референдумға шығарылуы мүмкін.
«Егер бір палаталы Парламент қажет деген ортақ шешімге келсек, оны тек қана партиялық тізім бойынша сайлаған жөн», – деді Тоқаев.
Мемлекет басшысы сондай-ақ, бұл реформа ашық талқылануы тиіс екенін атап өтті:
«Мен халқымыздың тағдырына қатысты мәселені құпия ұстауға болмайды деп санаймын. Осындай тағдырлы мәселелер бойынша халықпен ашық сұхбат жүргізу қажет», – деді ол.
DALAMEDIA admin
6
0