Премьер-министрдің орынбасары – Мәдениет және ақпарат министрі Аида Балаева халықаралық деңгейде танымал, миллиондаған аудиториясы бар шетелдік блогерлермен жүздесті ,-деп хабарлайды «Dalamedia» ақпараттық порталы.

Кездесуге саяхат тақырыбындағы жобаларымен кеңінен танылған режиссер әрі блогер Джо Хаттаб қатысты. Ол әр елдің табиғаты мен тарихын, жергілікті халықтың тұрмыс-тіршілігін қарапайым адамдардың өмірі арқылы әсерлі жеткізумен ерекшеленеді.

Сондай-ақ жиынға MegaAmerican атауымен белгілі америкалық блогер Джошуа Платильеро да қатысты. Ол түсіретін саяхат пен табиғатқа арналған бейнематериалдары арқылы әлемнің түрлі өңірлеріндегі ерекше орындарды, көркем табиғатты және жергілікті мәдениетті кең аудиторияға таныстырып жүр.