Кейін Мемлекет басшысы Қасым-Жомарт Тоқаев тиісті Жарлыққа қол қойып, Аида Ғалымқызы ресми түрде жаңа қызметіне кірісті.

Көпжылдық тәжірибесі бар мемлекеттік қызметші

Аида Балаева — мемлекеттік басқару саласында екі онжылдыққа жуық еңбек етіп келе жатқан кәсіби маман. Ол 2000 жылы Абай атындағы Алматы мемлекеттік университетін, 2007 жылы Қазақ ұлттық аграрлық университетін тәмамдаған.

Қызмет жолын 1999 жылы Алматы облыстық ақпарат және қоғамдық келісім басқармасынан бастаған. Бұдан кейін Алматы қаласындағы ақпараттық талдау және болжау бөлімін, сондай-ақ ішкі саясат департаментін басқарды.

2010–2014 жылдар аралығында Астана қаласы әкімінің орынбасары болып, мегаполистің ішкі саясат бағытын үйлестірді. 2014 жылдан бастап Президент Әкімшілігінің ішкі саясат бөліміне жетекшілік етті, ал 2019 жылы Мемлекет басшысының көмекшісі — өтініштерді қарау бөлімінің меңгерушісі қызметіне тағайындалды.

2020 жылы ақпарат және қоғамдық даму министрі ретінде саладағы бірқатар өзгерістерге бастамашы болды. Кейін 2022 жылы Президент Әкімшілігі басшысының орынбасары лауазымына ауысты.

Соңғы жылдары — 2023 және 2024 жылдары — екі мәрте мәдениет және ақпарат министрі қызметін атқарған Балаева енді бұл бағытты вице-премьер деңгейінде басқаратын болды.