Қырғыз Республикасының Президенті Түркі мемлекеттері ұйымының кезекті саммитіне қатысу үшін Қазақстанның рухани астанасы – Түркістан қаласына келді,-деп хабарлайды «Dalamedia» ақпараттық порталы.

Халықаралық жиынға келген мәртебелі мейманды Түркістан әуежайында Қазақстан Республикасының Мемлекеттік кеңесшісі Ерлан Қарин қарсы алды.

Айта кетейік, Түркі мемлекеттері ұйымы бауырлас елдердің саяси, экономикалық және мәдени-гуманитарлық байланыстарын нығайтуды мақсат еткен маңызды халықаралық құрылым саналады. Оның құрамына Қазақстан, Қырғызстан, Өзбекстан, Түркия және Әзербайжан кіреді. Сондай-ақ Түрікменстан, Венгрия және Солтүстік Кипр де ұйым аясындағы ынтымақтастыққа қатысады.

Алдағы саммитте мүше мемлекеттер басшылары өзара әріптестікті кеңейтудің жаңа бағыттарын талқылап, бірқатар ортақ шешімдер қабылдауы күтілуде.