Қасым-Жомарт Тоқаевтың шақыруымен Түркия Президенті Режеп Тайип Ердоған Қазақстанға мемлекеттік сапармен келді ,-деп хабарлайды «Dalamedia» ақпараттық порталы.

Түркия Президентінің ұшағы еліміздің әуе кеңістігіне енген сәттен бастап оны Қазақстан Әуе қорғанысы күштерінің ұшақтары Астана әуежайына дейін қапталдай ілесе ұшты.

Әуежайда мәртебелі мейманды салтанатты рәсіммен қарсы алды. Трап алдында Құрмет қарауылы сап түзеп, ресми делегацияға құрмет көрсетілді.

Екі елдің тулары бар жалаушаларды ұстаған балалар түрік делегациясын қазақ және түрік тілдерінде «Атажұртқа қош келдіңіздер!» деп қарсы алды.

Осы сәтте аспан төрінде Қазақстан мен Түркияның тулары бейнеленген тікұшақтар әуеде ұшып өтіп, салтанатты көрініс сыйлады.