Түркия президенті Реджеп Тайып Ердоған елдің әуе кеңістігіне бағытталған баллистикалық зымыран оқиғасына қатысты мәлімдеме жасады, – деп хабарлайды «Dalamedia» ақпараттық порталы «Анадолу» басылымына сілтеме жасап.

Ердоғанның сөзінше, өңірдегі жағдай күрделі болғандықтан, Анкара қауіпсіздік мәселесіне ерекше мән беріп отыр. Сондықтан ел билігі кез келген қауіпке жедел әрекет ету үшін барлық қажетті шараны қабылдауда.

Президент Түркияның бұл бағытта НАТО одақтастарымен тығыз жұмыс істеп отырғанын атап өтті. Қажет болған жағдайда бірлескен күштер арқылы қауіпке дереу жауап берілетінін де жеткізді. Сондай-ақ Ердоған мұндай жағдайлардың қайталанбауы үшін тиісті тараптарға қатаң ескерту жасалғанын айтты. Оның пікірінше, Түркияның мемлекет пен халықтың қауіпсіздігін қорғауға қауқары да, саяси еркі де жеткілікті.

Бұған дейін Түркияның Ұлттық қорғаныс министрлігі Иран аумағынан Түркияның әуе кеңістігіне қарай бағытталған баллистикалық зымыранның әуе және зымыранға қарсы қорғаныс жүйелері арқылы жойылғанын хабарлаған. Мәліметке сәйкес, бұл операцияға Шығыс Жерорта теңізінде орналасқан НАТО күштері де қатысқан