Түркия президенті Режеп Тайып Ердоған Дохада өткен Ислам ынтымақтастығы ұйымы (ИЫҰ) мен Араб мемлекеттері лигасының (АМЛ) кезектен тыс саммитінде Израильге қарсы экономикалық санкциялар енгізілмесе, қабылданып жатқан шаралардың нәтижесіз болатынын мәлімдеді.

Түркия көшбасшысының айтуынша, «геноцидшіл Израиль» Газа секторындағы басқыншылық әрекеттерін қатаң жауап болмаған жағдайда жалғастыра береді. Ол ислам әлемінің ресурстары жеткілікті екенін, ал нақты нәтижеге тек санкциялар арқылы жетуге болатынын атап өтті.

Ердоғанның сөзінше, Түркия соңғы бір жарым жылда Израильмен сауда қатынасын толық тоқтатқан және өз тәжірибесімен өзге елдермен бөлісуге дайын. Сонымен қатар ол Палестинаны бірнеше мемлекеттердің мойындауын қолдайтынын жеткізді, бірақ мұндай қадамдар сакция сынды қысымсыз әлсіз әрі уақытша әсер екенін ескертті.

Президенттің айтуынша, түпкі мақсат – 1967 жылғы шекаралар негізінде астанасы Шығыс Иерусалим болатын тәуелсіз Палестина мемлекетін құру.