Ресей президенті Владимир Путин Украина басшысы Владимир Зеленскиймен кездесуге дайын екенін мәлімдеді. Алайда ол мұндай келіссөз тек Мәскеуде өтуі тиіс екенін атап өтті. Бұл туралы Путин Бейжіңде өткен Жеңіс парадынан кейінгі баспасөз мәслихатында айтты.
«Мен айттым - иә, бұл мүмкін. Мәскеуге келсін», - деді ол.
Сонымен қатар Путин Зеленскийдің президент ретіндегі мәртебесін мойындамай, кездесудің мәні барына күмәнмен қарайтынын айтқан.
Әрине, Киев бұл ұсыныстан бірден бас тартты. Украина сыртқы істер министрі Андрей Сибига Ресейдің шарты «қолайсыз» екенін мәлімдеп, кемінде жеті ел - Австрия мен Швейцариядан бастап Парсы шығанағы мемлекеттеріне дейін - келіссөз алаңын ұсынуға дайын екенін айтты. Оның сөзінше, Зеленский кез келген жерде, кез келген уақытта кездесуге әзір.
Ал Кремль Батысты қақтығысты ушықтырып отыр деп айыптады.
DALAMEDIA admin
Бүгін, 19:01
Әлем