26-27 ақпан күндері Сербия Президенті Александр Вучич Мемлекет басшысы Қасым-Жомарт Тоқаевтың шақыруымен Астанаға ресми сапармен келеді, – деп хабарлайды «Dalamedia» ақпараттық порталы.

Сапар аясында екі елдің басшылары жоғары деңгейдегі келіссөздер өткізеді. Кездесу барысында қазақ-серб қарым-қатынасының қазіргі жағдайы мен болашағы қарастырылып, саяси диалогты тереңдету, сауда-экономикалық байланыстарды нығайту және мәдени-гуманитарлық ынтымақтастықты кеңейту мәселелеріне ерекше мән беріледі.