Мемлекет басшысы Қасым-Жомарт Тоқаев GITEX AI Central Asia & Caucasus халықаралық технологиялық көрмесін аралап көрді. Іс-шараға әлемнің 600-ден астам компаниясы қатысып отыр ,-деп хабарлайды «Dalamedia» ақпараттық порталы.
Көрме барысында Президентке Al-Farabium суперкомпьютерінің мүмкіндіктері таныстырылды. Сондай-ақ «Қазақтелеком» АҚ байланыс орталығында қолданылатын жасанды интеллект негізіндегі жаңа жүйе көрсетілді. Бұл жүйе қоңырау шалған нөмірдің алаяқ немесе заңды тұлға екенін анықтап, күмәнді қоңырауларды арнайы антифрод орталыққа бағыттайды. Мұндай технология құқық қорғау органдарына дер кезінде ақпарат жеткізуге мүмкіндік береді.
Сонымен қатар KEDEN және SmartCargo сияқты ақпараттық жүйелер, көлік-логистика саласына енгізіліп жатқан цифрлық жобалар да көпшілік назарына ұсынылды.
Сапар аясында Мемлекет басшысы Орталық Азиядағы балаларға арналған алғашқы ғылыми музейдің жұмысымен де танысты.
Санаттар
DALAMEDIA admin
