Президент Қасым-Жомарт Тоқаев Тараз қаласындағы шағын индустриалдық аймақтың жұмысымен танысты. Мемлекет басшысына Жамбыл облысында инвестиция тарту, агроөнеркәсіп кешенін дамыту, ауыл шаруашылығы өнімдерін өңдеу және су үнемдеу технологияларын енгізу бағытында атқарылып жатқан жұмыстар жөнінде мәлімет берілді.

Жыл басынан бері өңірге 599,2 млрд теңге инвестиция тартылып, өсім 33 пайызды құраған. Соңғы екі жылда жалпы құны 242 млрд теңгені құрайтын 56 жоба іске асырылған.

Президентке «Қазфосфаттың» минералды тыңайтқыштар өндіру жобасы, YONGGANG компаниясының металлургия зауыты, сондай-ақ Жаңатастағы «ЕвроХим-Қаратау» жобасының барысы таныстырылды. Сонымен қатар Шу ауданындағы жүгері өңдеу және Байзақтағы қант зауытының құрылысы жөнінде ақпарат берілді.