Астанада 18–22 қараша күндері өткен шығармашыл жастардың «Шабыт» ХХVIII Халықаралық байқауы мәресіне жетіп, түрлі өнер бағыттары бойынша үздік деп танылған жас таланттар анықталды. Биылғы додаға Қазақстанның барлық өңірінен және шетелдерден келген 800-ден аса талапты жас қатысып, музыкалық, театрлық, бейнелеу өнері мен креатив индустриясының сан қырлы бағыттарында бақ сынады.

Жиырма сегіз жылдық тарихы бар «Шабыт» – дарынды жастардың танылуына, кәсіби дамуына жол ашатын ең ірі шығармашылық алаң. Байқаудың халықаралық қазылар алқасының құрамына Қытай, Ресей, Түркия, Италия, Қырғызстан және Өзбекстаннан келген өнер майталмандары енді.

Фестиваль күндері қатысушылар байқау кезеңдерімен қатар кәсіби шеберлік сабақтарына қатысып, танымал композиторлар, орындаушылар, режиссерлер мен суретшілерден дәріс алды. Арнайы ұйымдастырылған білім беру бағдарламасы жас өнерпаздардың өнерін шыңдауға айрықша мүмкіндік берді.

ЖЕҢІМПАЗДАР ТІЗІМІ

Камерлық хор
* Гран-при: Татарстан Республикасы Мемлекеттік камералық хоры
* I орын: Ғ. Жұбанова атындағы Ақтөбе облыстық филармониясының қазақ камералық хоры
* II орын: ҚазҰӨУ «Аралас хоры»
* III орын: «Алатау» жастар хоры

Хор дирижері
* Гран-при: Мусин Даурен
* I орын: Сансызбай Ержан
* II орын: Есімханов Алмат
* III орын: Джан Джиан

Академиялық ән және концертмейстерлік шеберлік
* Гран-при: Рахметова Фируза, Шынболат Аяжан
* I орын: Аламанова Ляйла, Абдрахманова Динара
* II орын: Саматқызы Нұрсезім, Омаргазин Нұрсұлтан
* III орын: Ерболатұлы Бекұлан, Ультараков Досым

Камерлық музыка
* Гран-при: Алғи Ақбике, Узбеков Ильяс
* I орын: Жакпарова Алия, Болатова Жания
* II орын: Акбергенов Нуркен, Бабаев Дияр
* III орын: Нуржигитова Ася, Ғаббасова Айя, Абдрахманова Жанар, Джуматов Нурисламбек

Фольклорлық ансамбль
* Гран-при: «Тарлан» этно ансамблі
* I орын: «Түркістан» ансамблі
* II орын: «Достық сазы» ансамблі
* III орын: «Тарту» ансамблі

Эстрадалық вокал
* Гран-при: Moonaisun триосы
* I орын: MIYA3 триосы
* II орын: Altyn ún триосы
* III орын: «Эстрада» триосы

Бейнелеу өнері
* I орын: Жүргенов Алишер
* II орын: Айтуарова Людмила
* III орын: Кушерова Рыстыгүл

Поэзия
* Гран-при: Дәурен Тілеухан
* I орын: Оразай Жеңісұлы, Ділдә Уәлибекова
* II орын: Еламан Қабділәшім, Шапағат Әбдір
* III орын: Айзада Рахымжанова, Серғазы Қайырболды

Креативті бағыт
* Гран-при: Қамза Бөкейхан
* I орын: Пивторак Никита, Мусина Мадина
* II орын: Ергали Алия
* III орын: Оспанова Карина, Кулушпаева Айдана, Ахметғали Ақнұр

СЫЙАҚЫ ҚОРЫ

* Гран-при – 3 000 000 теңге
* I орын – 1 000 000 теңге
* II орын – 750 000 теңге
* III орын – 500 000 теңге

БАЙҚАУДЫҢ МАҢЫЗЫ

Ширек ғасырға жуық уақыт ішінде «Шабыт» мыңдаған жас өнерпаздың кәсіби қалыптасуына ықпал етіп, көптеген танымал тұлғалардың өнер жолындағы алғашқы табалдырығы болды. 2025 жылғы фестиваль шығармашылықтың сан алуандығын көрсетіп қана қоймай, жас таланттардың әлеуетін тағы да айқын дәлелдеді.

Байқауды ҚР Мәдениет және ақпарат министрлігі, Астана қаласы әкімдігі, «Мәдени іс-шараларды өткізу дирекциясы» және Күләш Байсейітова атындағы Қазақ ұлттық өнер университеті бірлесе ұйымдастырды.

Толық ақпарат: shabyt2025.kz