2025 жылдың 29 қазанынан бастап, «ҚазАвтоЖол» компаниясы ақылы жолдардағы көлік жылдамдығын автоматты түрде бақылай бастады. Яғни, енді жолдағы камералар көліктің нақты жылдамдығын өлшеп, жылдамдық шегінен асып кетсе, айыппұл автоматты түрде жүйеге тіркеледі.

Бұл жаңалықтың басты мақсаты - жол қозғалысын қауіпсіз ету, әр жүргізушіге әділ жауапкершілік орнату.

Қай жерлерде жылдамдық бақыланады:

Көкшетау – Петропавл жолында:

• 354 шақырым – Драгомировка

• 443,8 шақырым – Астраханка

• 473,1 шақырым – Бескөл

Алматы – Хоргос жолында:

• 38,2 шақырым – Балтабай

• 204,6 шақырым – Ұйғыр

• 205,4 шақырым – Панфилов

Биылғы жылдың басынан бері жүргізушілер ақылы жолдармен 54 миллион рет жүрген.

Ең танымал бағыт — Алматы – Қонаев (8,9 млн сапар).

Келесі орындарда:

• Шымкент – Өзбекстан шекарасы (7 млн сапар)

• Шымкент – Тараз (5 млн)

• Тараз – Қайнар (4 млн)

• Шымкент – Қызылорда (3,6 млн)

• Астана – Теміртау (3,4 млн)

• Қонаев – Талдықорған (3 млн)

• Астана – Щучинск (2,9 млн)

Қыркүйектен бастап жолда ақау немесе шұңқыр көп болса, жүргізушілер ақы төлемейді. Яғни, тек сапалы әрі қауіпсіз жолдарға ғана төлем алынады.