Apple жаңа құрылғыларын ресми түрде ұсынды. Негізгі жаңалық - ультражұқа iPhone Air, ол бұрынғы Plus моделін алмастырып, компания тарихындағы ең жұқа смартфонға айналды. Қалыңдығы небәрі 5,6 мм.

Жаңа Air 6,6 дюймдік, 120 Гц жиілігі бар дисплеймен, A19 Pro чипімен жабдықталған. Сондай-ақ 48 МП Fusion камерасы бар және алдыңғы әрі негізгі камерадан бір уақытта бейне түсіруге мүмкіндік береді.

Құрылғыға қосымша жаңа жұқа MagSafe-аккумулятор ұсынылды, ол бейне көру уақытын 40 сағатқа дейін ұзартады.

 

Базалық iPhone 17 енді 256 ГБ жадтан басталады. 6,3 дюймдік ProMotion экраны және екі 48 мегапиксельдік камерадан тұратын Dual Fusion жүйесі бар. Смартфон жаңа түстерде шығады: лаванда, көк, қара, ақ және sage.

Pro-нұсқалардың дизайны өзгерді: камера блогы енді квадрат емес, көлденең орналасқан. Смартфондар үштік 48 МП камера және 18 МП алдыңғы камерамен жабдықталған.

Контент жасаушылар үшін ерекше мүмкіндіктер бар: ProRes RAW форматы, 4К сапада 120 кадр/с бейне жазу және екі камерадан бір уақытта түсіру.

Жаңа AirPods Pro 3 енді Live Translation функциясымен шықты – құлаққап нақты уақытта сөйлеуді аударады (әзірге қазақ және орыс тілдері қолдау тізімінде жоқ).

Apple Watch Series 11 гипертония қаупін алдын ала ескертеді . Ал Watch Ultra 3 спутниктік байланысқа қосылып, рекордтық 42 сағат автономды жұмыс істей алады.

• iPhone 17 - $799 (≈481 мың тг)

• iPhone Air - $999 (≈534 мың тг)

• iPhone 17 Pro - $1099 (≈593 мың тг)

• iPhone 17 Pro Max - $1199 (≈647 мың тг)

• AirPods Pro 3 - $249 (≈135 мың тг)

• Apple Watch Series 11 - $399 (≈215 мың тг)

• Apple Watch Ultra 3 - $799 (≈430 мың тг)

Алдын ала тапсырыс жұма күні басталады, ал ресми сатылым 19 қыркүйекте ашылады. Қазақстанда алғашқы апталарда жаңа iPhone бағасы 2 млн теңгеге дейін жетуі мүмкін деген болжам бар.