2025 жылдың 16 қыркүйегінен бастап Қазақстанда алғаш рет «сталкинг» үшін қылмыстық жауапкершілік енгізілді. Бұл - адамға күш қолданбай, бірақ үздіксіз аңду,соңынан қалмау, жазу арқылы елеулі психологиялық зиян келтіру әрекеті.

Жаңа заңға сәйкес, мұндай іс-әрекет үшін:

• 200 айлық есептік көрсеткішке дейін айыппұл салынады;

• 200 сағатқа дейін қоғамдық немесе түзеу жұмыстары жүктеледі;

• 50 тәулікке дейін қамауға алу жазасы қарастырылған.

ІІМ мәліметінше, заң азаматтардың жеке кеңістігін қорғауға және психологиялық зорлық-зомбылықтың алдын алуға бағытталған. Ведомство қоғамды кез келген қудалауға нөлдік төзімділік танытуға және дер кезінде құқық қорғау органдарына жүгінуге шақырады.

• Жиі қоңырау шалу немесе хабарлама жіберу;

• Адамды бақылай беру, соңынан еру;

• Интернет арқылы немесе күнделікті өмірде аңду;

• Жәбірленуші күтпеген жерде қайта-қайта пайда болу;

• Қорқыныш пен алаңдаушылық туғызатын кез келген шектен тыс әрекеттер.

Осылайша, енді физикалық зорлық жасалмаса да, адамға моральдық қысым көрсетіп, жеке шекараны бұзатын әрекеттер қылмыстық жазаға әкеледі.