Қыркүйек айынан бастап су шаруашылығы саласында еңбек етіп жүрген мамандардың еңбекақысы көтеріледі. Бұл өзгерістер Су ресурстары және ирригация министрлігі әзірлеген «Табиғи монополиялар туралы» заңға енгізілген түзетулер аясында жүзеге асуда.
Ведомство мәліметінше, су шаруашылығы қызметкерлерінің жалақысы энергетика саласы мамандарының деңгейіне дейін жеткізіледі. Нәтижесінде ел бойынша 25 мыңнан астам қызметкердің табысы артады.
«Өңірлердің ерекшелігі мен статистикалық деректерге сәйкес, еңбекақы орта есеппен 35–50 пайызға өседі», - делінген министрліктің хабарламасында.
Құжатты іске асыру үшін Су ресурстары және ирригация министрлігі Ұлттық экономика министрлігімен бірлесіп, тиісті нормативтік-құқықтық актілерді тіркеу жұмыстарын жүргізуде. Айта кетейік, аталған түзетулер былтыр дайындала бастады, ал биыл маусымда заңға Мемлекет басшысы қол қойған болатын.
Жансулу Садыкова
Бүгін, 15:05
Қоғам