2025 жылдың 16 қыркүйегінен бастап Қазақстанда жаңа қылмыстық бап күшіне енді. Енді өзіңіздің банк картаңызды немесе шотыңызды бөтен адамға берген жағдайда қылмыстық жауапкершілікке тартылуыңыз мүмкін.

Жаңа 232-1-бап бойынша, картаңызды ақша үшін немесе «досыңызға көмектесу» мақсатында басқаға ұсынсаңыз - заң алдында жауап бересіз. Жаза - айыппұлдан бастап 7 жылға дейін бас бостандығынан айыру, қосымша мүлкіңізде тәркіленуі мүмкін.

ІІМ мәліметінше, дәл осындай схемалар арқылы «дропперлер» әрекет етеді. Олар өз атына есепшот ашып, алаяқтарға береді. Кейін сол арқылы ұрланған қаржы шығарылады. Сөйтіп, карта иесі қылмыстық топтың бір бөлігіне айналады.

Бұд әрекетке жаза қандай?

• 160 АЕК-ке дейін айыппұл (629 120 теңге) немесе 50 тәулікке дейін қамау;

• есепшоттардың толық бұғатталуы;

• күдіктілер тізіміне енгізілу;

• болашақта қаржылық қызметтерден көрсетілмейді;

• ауыр жағдайларда - 7 жылға дейін темір торға қамау жазасы.

Бас прокуратура еске салады: егер картаңызды бұрын басқаға қолданысқа берген болсаңыз, өз еркіңізбен мойындап, тергеуге көмектессеңіз. Өз еркімен мойындаған жағдайда қылмыстық жауапкершіліктен босатылуыңыз мүмкін.