Қазақстанда 15 қыркүйек – табыс пен мүлік туралы декларацияларды тапсырудың соңғы күні. Әлі күнге дейін есепті өткізбеген азаматтар бүгінгі күн аяқталғанға дейін үлгеруі тиіс.

Сөз екі негізгі декларация туралы болып отыр:

• 250-декларация – активтер мен міндеттемелер туралы. Оны шетелде мүлкі барлар, цифрлық активтер мен криптовалютасы барлар, сондай-ақ жеке практикамен айналысатындар тапсырады.

• 270-декларация – табыс пен мүлік туралы. Бұл құжатты нотариустар, адвокаттар, ірі акция пакеттерінің иелері, жалға берушілер, шетелдік банктерде 1000 АЕК-тен асатын шоты бар азаматтар және кэшбэк алған банк клиенттері тапсыруы тиіс.

Кей жағдайда екі декларацияны да тапсыру қажет. Егер бұған дейін «кіру декларациясы» (250) тапсырылмаса, алдымен сол рәсімделеді, ал 270-декларация келесі жылы беріледі.

Маңызды жайт: 270-декларациясымен бірге жеке табыс салығы да төленуі тиіс. Оның көлемі – кірістің 10 пайызы. Салықты төлеудің соңғы мерзімі – 25 қыркүйек.

Сарапшылардың ескертуінше, есеп тапсыруды созбалаңға салуға болмайды. Өткен жылы декларацияны өткізбеген кейбір азаматтар айыппұл мен шектеулерге тап болған.