Абай облыстық полиция департаментінің хабарлауынша, әйел алкогольдік масаң күйде күйеуінің көлігін басқарған. Нәтижесінде тұрақтағы бірнеше автокөлікті соғып, жол-көлік оқиғасын туғызған. Қатысушылар медициналық тексеруден өтіп, сараптама әйелдің орташа дәрежеде мас екенін көрсетті.

Сонымен қатар көліктің иесі — әйелдің жұбайы да мас күйде болып, рөлді жүргізуші куәлігі жоқ адамға бергені анықталды. Құқық бұзушылар әкімшілік жауапкершілікке тартылып, іс сотқа жолданды.

Абырой болғанда, апаттан ешкім зардап шеккен жоқ. Полиция мас күйде көлік жүргізу және рөлді куәлігі жоқ адамға көлікті беру ауыр заң бұзушылық екенін ескертті.