Павлодар қалалық соты «Еңбек мобильділігі орталығының» директоры Меруерт Есембаеваны кінәлі деп таныды. Оқиға 22 ақпанға қараған түні болған. Ол қызметтік Chery Tiggo 7 Pro көлігін айдап келе жатып, полицияның тоқтау туралы талабына бағынбай кеткен. Кейін тәртіп сақшылары көлікті қуып жетіп тоқтатқан.

Алайда жүргізуші алкогольдік тексеруден өтуден бас тартқан. Сот материалдарына сәйкес, Меруерт Есембаева – Мәдениет және туризм министрлігінің Спорт және дене шынықтыру істері комитеті төрағасының орынбасары Нұрлан Есембаевтың жұбайы. Ол ресми түрде декреттік демалыста болғанымен, қызметтік көлікті жеке мақсатта пайдаланғаны анықталған.