Қазақстан автомобиль одағы 2025 жылы елде ең көп сатылған автокөлік брендтері мен модельдерінің тізімін жариялады, – деп хабарлайды «Dalamedia» ақпараттық порталы.

Өткен жылы Қазақстанда 234,9 мың жеңіл автокөлік сатылған. 2026 жылы бұл көрсеткіш шамамен 247 мыңға жетіп, нарық көлемі 5 пайызға өсуі мүмкін,-дейді одақ басшысы Анар Мақашеваның мәліметінше.

2025 жылы ең көп сатылған брендтердің көшін Hyundai бастап, 50 868 көлік өткізген. Одан кейін Chevrolet (38 880) және Kia (23 402) орналасқан. Сондай-ақ алғашқы ондыққа Chery, Jetour, Haval, Toyota, Changan, JAC және Geely брендтері енді. Айта кетерлігі, аталған он брендтің сегізі Қазақстанда құрастырылады.

Ең сұранысқа ие модельдер қатарында Chevrolet Cobalt бірінші орынға шықты – 31 802 дана. Одан кейін Hyundai Tucson (20 697) және Kia Sportage (10 988) тұр. Сондай-ақ үздік ондыққа Hyundai Mufasa, Hyundai Elantra, Hyundai Santa Fe, Chevrolet Onix, Changan CS55 Plus, Chery Tiggo 2 және JAC S3 Pro модельдері кірді.

Бұл модельдердің барлығы Қазақстан аумағында өндірілген. Бұған дейін сала мамандары 2026 жылы елдегі автокөлік өндірісі 200 мыңнан асуы мүмкін екенін хабарлаған еді.