Жамбыл облыстық соты төрағасының міндетін атқарушы қызметінен босатылды,- деп хабарлайды «Dalamedia» ақпараттық порталы.

Жоғарғы сот кеңесі Жоғарғы сот төрағасының ұсынысын қарап, отырыс қорытындысы бойынша Ербол Ахметжановты қызметінін босатты. Ербол Ахметжанов Жамбыл облыстық сотын 2020 жылдың 27 ақпанынан бері басқарып келген. Еңбек жолын Алматы гарнизонының әскери сотында судья болып бастап, кейін қылмыстық істер жөніндегі мамандандырылған ауданаралық әскери соттың судьясы әрі төрағасы қызметін атқарған. Сондай-ақ Қазақстанның Әскери сотында азаматтық істер жөніндегі сот алқасын басқарған.

Ол көпшілікке 2012 жылы Талдықорғанда қаралған “Арқанкерген” ісі арқылы белгілі. Сол кезде Владислав Челах 15 адамның өліміне кінәлі деп танылып, өмір бойына бас бостандығынан айырылған болатын.

Ербол Ахметжанов – әл-Фараби атындағы Қазақ ұлттық университетінің түлегі, заңгер мамандығын алған. Әр жылдары әскери сот жүйесінде түрлі лауазымды қызметтер атқарып, кейін облыстық сот төрағасы болып тағайындалған.

Бұған дейін Тараз қаласында оның 60 жас мерейтойына байланысты өткен шара да қоғам назарын аударған еді. Мерекелік жиынға бірқатар шенеуніктердің қызметтік көлікпен келгені айтылған. Ал заң бойынша қызметтік автокөлікті жеке мақсатта пайдалану мемлекеттік қызметшілердің Әдеп кодексіне қайшы саналады.

Бұл жағдайға қатысты Ахметжановтың өзі түсініктеме берген жоқ.