Қарағанды облысының дене шынықтыру және спорт басқармасында кадрлық өзгерістер орын алды. Басқарма басшысы Серік Сәпиев пен оның орынбасары Дәурен Есімханов атқарып отырған қызметтерінен өз еріктерімен кетті.

Бұған дейін аталған ведомстводағы екі басшының арасында жанжал туындап, оның төбелеске ұласқаны туралы ақпарат тараған болатын. Алайда кейін екі тарап та бұл жағдайдың толықтай реттелгенін мәлімдеп, барлық жұмысқа қатысты мәселелер қызметтік тәртіп аясында шешілгенін хабарлаған еді.