Материалдарға қарағанда, сотталушы 2024-2025 жылдары оқу орталығында мұғалім болып жұмыс істеп, ата-аналарды алдап, белгілі бір ақша төлесе, балаларын конкурстан тыс мектепке қабылдатып беремін деп уәде еткен.
Тергеу барысында мұғалім өз кінәсін мойындап, жәбірленушілерге келтірілген материалдық залалды толық өтегені анықталды. Банктік құжаттар мен куәгерлердің жауаптары оның айыптарын растайды.
Сот оны кінәні мойындауы, шын жүректен өкінуі, кәмелетке толмаған балаларының болуы және залалды өтегенін жеңілдететін мән-жайлар ретінде есепке алды. Қылмыстық жауаптылықты ауырлататын жағдайлар анықталған жоқ.
Ақтөбе қаласының №2 соты мұғалімді Қылмыстық кодекстің 190-бабы, 3-бөлігінің 4) тармағы бойынша кінәлі деп тауып, үш жылға бостандығын шектеу жазасын тағайындады. Үкім заңды күшіне енді, ал ата-аналар енді балаларын тек заңды жолмен оқуға қабылдатуға мүмкіндік алады.
DALAMEDIA admin
10
0